امثال زمان بس بطريقه مودرن

من طلب العلا يتفضل في كابينة أربعة

اللي بيته من قزاز مايغيرش هدومه في الصالون

فاقد الشيء يدور عليه

اقلب القدرة على فمها الفول يقع منها

تأتى الرياح محمله بالأتربة

يا خبرالنهارده بفلوس بكره ينزل عليه أوكازيون

اللي معاه قرش محيره يجيب حمام ويحمره

جت الحزينة تفرح شغلت شريط حكيم وقعدت ترقص

قال يامحششين يكفيكو شر الكمين

اللي ياكل لوحده يشبع

لا تبكى على اللبن في البسكوت

اقطع عرق و حته بتلو

اطبخي يا جاريه الأنبوبة فاضيه يا سيدى

لو حبيبك عسل ما تحطلوش طحينه

اللي يتلسع من الشوربه يتصل بالمطافي

وبكره ترجع ريما من عند خالتها في مارينا

يا داخل بين البصلة وقشرتها حط قطرة علشان حادمع من ريحتها

أصوم أصوم وافطر على المدفع

القرش الأبيض بيعوم في البحر الأحمر

ضربوا الأعور على عينه قال لهم كسرتوا النضارة

اللي مايشوفش من الغربال يكشف نظر

المال السايب يعلم الطلبة

نام وارتاح وكل عسل نحل التمساح

من خرج من داره ماينساش ياخد المفتاح معاه

الباب اللي يجيلك منه الريح شيله وركب قبنوري

المضطر يركب التاكسي

المركب اللي فيها ريسين يلعبوا طاولة

أكل العيش يحب الطعمية

العين عليها lenses

قالوا للحرامي احلف قال لهم وحياة قلبي وأفراحه

أمثــــــال عربيــــات النقــــل :

ما تبصليش بعين رديه دنا طلع عين أمي في السعودية

ربنا يحميكي من الميكانيكي

الحلوة أسمها تفاحة للسفر والسياحة

الحلوة من حلوان وصاحبها راجل غلبان

الحلوة من دمياط وعليها أقساط

قصه كفاح مش جاية على المرتاح

ماتزمروش يابهايم دا السواق نايم

اجري جري الوحوش أوتوبيس 710 ماتلحقوش

اقلب القدرة على فمها الفول يقع منها
اللي ياكل لوحده يشبع

ههههههههههههههههههههههه
جمدين جداااااااااااا يا وليد شكرااا

العفو يابيرو
تحاتي

هههههههههههههههههههههه كتير حلوين يسلمووو

ربنا يخليكى ياصوفيا شكرا لردك

ههههههههههههههههههههه
شكرا لك يا وليد رعة

العفو ياشروق شكرا لردك